美股三大指數全線上升。
道指橫行， 標普破頂， 納指有機會上試 18500。 整體而言，變動不大。
黃金期貨繼續破頂已經上到2708.6。暫時未有任何見頂回落跡象。 黃金etf可以繼續持有。
原油期貨顯著下跌支持位65.75。 對於三桶油有負面影響。 近期港股暴升， 但883及857都不為所動， 反映不是市場吸納對象。
比特幣到了波動區間頂部 留意會否出現突破。
近期嘅重頭戲係港股。
恆生指數升穿了頭肩底頸線後， 加上刺激經濟國策出台， 港股連日急升， 已經由亢奮變為瘋狂程度。 並且創了今年高位。
客觀而言， 技術指標已經到達嚴重超買程度， 隨時有顯著回落風險。
早兩日同大家講不少股份破頂， 短期或會有上升空間。 但鑑於技術指標嚴重超買， 市場進入瘋狂程度， 因此會考慮獲利離場。 雖然會錯過了一些利潤， 但作為一個理性的投資者， 應該以客觀數據作出買賣決定， 而並非由市場氣氛主導。 現時的情況與8月5日美股股災相似。 不過成件事是反轉過來。
然而， 減持是為了鎖定利潤，控制風險， 而並非即時看淡。
之前已經講過， 做淡要起碼出一支陰燭， 然後再穿底先會考慮。 不過到目前為止仍未出現這種情況。 因此係絕對肯定沒有開淡倉。
琴晚夜期升548點， 到達20575。 相信今朝恆指會裂口高開，但唔一定會跟足夜期嘅幅度。 恆指阻力位分別係20300， 及20800點。
琴日已經send咗幅圖畀大家， 並且指出現時嘅情況同2022年11月開關時的浪升十分相似。
假如歷史重複，今次嘅升勢未有咁快完結。 從時間及升幅而言， 仍然有唔少空間。
下星期係內地假期， 港股趁機調整的機會增加。 意味著是一個趁低吸納機會。 恆指支持位分別是19600 19000及18300。
喺2022年11月第一段升幅完成後，調整幅度大約係黃金比率0.382倍。
藉此推算， 今次的調整可能都係大約0.382倍左右。 由於暫時恆生指數未出現阻力形態， 因此未能計算到 潛在的調整目標。 初步估計係大約19000點。 不過呢個未能作準。 等遲啲出咗個阻力pattern 先再計算。
至於點解話而家嘅走勢似2022年11月 。詳情會喺今朝十點半嘅finance 730節目度講解。
評論